AMICALE DES ANCIENS DE L'ECOLE NORMALE WILLIAM PONTY

Jéemantu ci ñaari dëkkandóo XOL ak XEL. Ma di ko yónnee képp ku safoo sunu kàllaama yi.

Xol da ne bëret bëg a dem . Xel ne ko déet nanu dem Boo yeggee fa nga jëm Xam né maay ki gën ci yaw.    

Neel tekk ma ñëw ci yaw samab joxoñ di nga ko naw

Boo yeggee fa nga jëm Xam ne maay ki gën ci yaw 

Bu yëf yi arfóo la Seex Anta wax

Bu boobaa na nga déglu ma wax

Boo yeggee fa nga jëm Xam ne maay ki gën ci yaw 

Laajal jallub muus ak la ko tas

Xam la mu ëmb ak la mu nas

 Boo yeggee fa nga jëm Xam ne maay ki gën ci yaw 

Looy def jiital ma ca         

 Boo bañee fitna wàlli ca Boo yeggee fa nga jëm Xam ne maay ki gën ci yaw. 

Foo jëm te ànduma ca Jafe-jafe yomb ca                      

Boo yeggee fa nga jëm Xam ne maay ki gën ci yaw 

Gëmal te sax ci sa ngëm

Bàyyil keneen ca la mu gëm

Boo yeggee fa nga jëm Xam ne maay ki gën ci yaw 

Bul jaaxle ba sëngéem

Boo ma dégloo dina la yéem

Boo yeggee fa nga jëm Xam ne maay ki gën ci yaw  

Àddina tool la waaye bul ñońali

Raadul bayaat takkul ba dońali

Boo yeggee fa nga jëm Xam ne maay ki gën ci yaw 

Bul di xulóo bul di xeex

Toppal ci man daldi féex

Boo yeggee fa nga jëm Xam ne maay ki gën ci yaw 

Man mii maay mbërum Yàlla

Bu ma la bàyyee jaamu wàcc la

Boo yeggee fa nga jëm Xam ne maay ki gën ci yaw 

Damaa wex lewet bari dole

Di riñaan di ndengeñ di weyale

Boo yëgee ak boo yëgul

Boo gëmee ak boo gëmul

Maay defar te duma laal

Maay yàq te duma taal

Boo yeggee fa nga jëm Xam ne maay ki gën ci yaw 

Bu ma taaroo jëfe ma

Bu ma ñaawee teggi ma

Boo yeggee fa nga jëm Xam ne maay ki gën ci yaw.